नवीन योगी
दमक । आगामी निर्वाचनका लागि झापा ५ बाट नेकपा एमाले अध्यक्ष केपी शर्मा ओलीको नाम सर्वसम्मत रूपमा उम्मेदवारका रूपमा सिफारिस गरिएको छ।
नेकपा एमाले झापा निर्वाचन क्षेत्र नम्बर ५ को आज बसेको बैठकले प्रत्यक्षतर्फ उम्मेदवारका रूपमा ओलीको एकल नाम सिफारिस गर्ने निर्णय गरेको एमाले झापाका सचिव तुलसी कार्कीले जानकारी दिए।
यसअघि २०७४ र २०७९ सालको प्रतिनिधिसभा निर्वाचनमा समेत ओली झापा ५ बाट उम्मेदवार बनेर विजयी भएका थिए।
झापामा पाँचवटा निर्वाचन क्षेत्र रहेका छन्। ती सबै क्षेत्रमा आगामी निर्वाचनका लागि उम्मेदवार सिफारिस गर्ने उद्देश्यले आज विभिन्न क्षेत्रीय बैठकहरू आयोजना गरिएको जनाइएको छ।
