ट्राफिक प्रहरी दमकद्वारा ८ लाख राजस्व संकलन

सुजन गौतम

दमक/ ट्राफिक प्रहरी कार्यालय दमकले आर्थिक वर्ष २०८१–०८२ को फागुन महिनासम्मको मासिक राजस्व संकलनको विवरण सार्वजनिक गरेको छ। रिपोर्ट अनुसार, विभिन्न सवारी साधनबाट ठूलो मात्रामा राजस्व संकलन गरिएको छ।

ट्रक र टिफरबाट ७६ वटा सवारी साधनको माध्यमबाट ५७ हजार ६ सय रुपैयाँको राजस्व उठेको छ। साथै, ५९ वटा बसबाट ४२ हजार ५ सय रुपैयाँको राजस्व संकलन भएको छ। कार र जिपबाट २ सय ८३ सवारी साधनको माध्यमबाट २ लाख २ हजार ५ सय रुपैयाँको राजस्व संकलन गरिएको छ।

ट्याक्टरबाट २० वटा सवारी साधनका लागि ३३ हजार ५ सय रुपैयाँ राजस्व उठाइएको छ भने, मटरसाईकलबाट ७ सय ४१ सवारी साधनको माध्यमबाट ५ लाख ५४ हजार रुपैयाँको राजस्व संकलन भएको छ। सिटि र टेम्पोबाट ४ सय ७३ सवारी साधनको माध्यमबाट २ लाख ४८ हजार ५ सय रुपैयाँको राजस्व उठाइएको छ। अन्य सवारी साधनबाट १ गरि ५ सय रुपैयाँको राजस्व संकलन भएको छ।

यसरी, जम्मा १ हजार ६ सय ५५ वटा सवारी साधनबाट ट्राफिक प्रहरी कार्यालय दमकले कुल ८ लाख ४० हजार १ सय रुपैयाँको राजस्व संकलन गरेको ट्राफिक प्रहरी कार्यालय दमकका प्रमुख जनक तिम्सिनाले बताए ।

यस सफलता पछि, ट्राफिक प्रहरी कार्यालय दमकले आगामी महिनाहरूमा पनि सवारी साधनको दुरुपयोग नियन्त्रण गर्दै, कडाईका साथ राजस्व संकलनको प्रक्रिया जारी राख्ने बताएको छ।