गौरादहमा चुनावी अभियान तीव्र

गौरादह । आगामी फागुन २१ गते हुने प्रतिनिधिसभा निर्वाचनलाई लक्षित गर्दै नेपाल कम्युनिस्ट पार्टी (एमाले) गौरादह–४ नम्बर वडा कमिटी अन्तर्गत मैदानघोपा ‘क’ टोल कमिटीले चुनाव प्रचार–प्रसार अभियानलाई तीव्र बनाएको छ।
पार्टीका तर्फबाट उम्मेदवार केपी शर्मा ओलीलाई विजयी गराउन घरदैलो तथा भेटघाट कार्यक्रम सञ्चालन गरिएको हो। टोलभित्रका मतदातासँग प्रत्यक्ष संवाद गर्दै नेता तथा कार्यकर्ताहरू सक्रिय रूपमा अभियानमा जुटेका छन्।
भेटघाट कार्यक्रममा वडा नं. ४ प्रचार–प्रसार समिति संयोजक आनन्द कुमार लिम्बू, सह–संयोजक झरेन्द्र खतिवडा, टोल कमिटी अध्यक्ष तुलसीराम ढकाललगायत नेता तथा कार्यकर्ताहरूको सहभागिता रहेको थियो।
टोलस्तरमा संगठन सुदृढ गर्दै चुनावी माहोललाई थप सक्रिय बनाउने उद्देश्यले अभियानलाई निरन्तरता दिइएको पार्टी स्रोतले जनाएको छ।