ज्यान मार्ने उद्योगमा दोषी ठहरिएका दीपक मनाङे कारागार चलान

Share

झापा ।ज्यान मार्ने उद्योगमा दोषी ठहर भएका गण्डकी प्रदेशसभा सदस्य दीपक मनाङे भनिने राजीव गुरुङ कारागार चलान भएका छन् ।
काठमाडौंमा पक्राउ परेका मनाङेलाई जिल्ला अदालतमा उपस्थित गराएर डिल्लीबजार कारागार लगिएको हो ।
ज्यान मार्ने उद्योग मुद्दामा उच्च अदालत पाटनद्वारा दोषी ठहर भएका मनाङेलाई ५ वर्ष कैद गर्ने फैसलालाई सर्वोच्च अदालतले कार्तिक २० गते सदर गरेसँगै मनाङे पक्राउ परेका हुन् ।
सर्वोच्चका न्यायाधीश नहकुल सुवेदी र टेकनारायण ढुंगानाको संयुक्त इजलासले गण्डकी प्रदेशका सांसद एवं पूर्व मन्त्री दिपक मनाङेलाई दोषी ठहर गरेको हो । पाटन उच्च अदालतले ज्यान मार्ने मुद्दामा दोषी ठहर गर्दै ५ वर्षको कैद सजाय सुनाएको थियो । त्यसकाविरुद्ध सर्वोच्च अदालत पुगेका सांसद मनाङेविरुद्ध उच्च अदालतको फैसला मिलेको भन्दै सर्वोच्चले ५ वर्ष कैदलाई नै सदर गरेको हो ।
२०६१ सालमा चक्रे मिलनमाथि ज्यान मार्ने उद्देश्यले आक्रमण गरेको आरोपमा जिल्ला अदालत काठमाडौंले २ वर्ष कैद सुनाएकोमा तत्कालीन पुनरावेदन अदालत पाटनले २०६९ मा ५ वर्ष कैदको फैसला गरेको थियो । उक्त मुद्दामा सर्वोच्चका तत्कालीन न्यायाधीशश दीपकराज जोशी र पुरुषोत्तम भण्डारिको संयुक्त इजलासले २०७४ मै पुनरावेदन अदालत पाटको फैसला सदर गरेको थियो । सांसद मनाङेले त्यसविरुद्ध सर्वोच्चमा पुनरावेदन दायर गरेका थिए ।

ताजा समाचार