एमाले अध्यक्ष ओलीको तर्क — सिरोहियालाई समाचारको विषयमा पक्राउ गरिएको होइन

झापा– नेकपा एमालेका अध्यक्ष केपी शर्मा ओलीले कान्तिपुर मिडिया गुप्रका अध्यक्ष कैलाश सिरोहियालाई समाचारको विषयमा पक्राउ नगरिएको जवाफ दिएका छन् ।
झापा–५ अन्तर्गत एमाले दमक नगर कमिटीको दोस्रो नगर अधिवेशनलाई बिहीबार उद्घाटनका क्रममा पूर्वप्रधानमन्त्रीसमेत रहेका ओलीले यस्तो बताएका छन् ।
‘जस्तो ह्यु एण्ड क्राई भन्छन् नि ! त्यही भइराखेको छ । त्यसो गर्नुपर्ने जस्तो विषय लाग्दैन मलाई । विवादको विषय हुन सक्छ । उनलाई जन्मकैद गर्न खोजेको होइन। सञ्चारमाथिको हमला भनेर चर्चा भइरहेको छ,’ ओलीले अगाडि भने, ‘कुनै पत्रकारमाथि फौजदारी अभियोग छ ? मिडिया हाउसको प्रमुखमाथि बेग्लै मुद्दा छ । किन यस्तो समाचार प्रकाशित गरियो ? किन यस्तो बोल्यो भन्ने विषय होइन, सिरोहिया पक्राउ प्रकरण । विषय त अर्कै छ । फौजदारी कुरा होला त्यो त। यसबारेमा सरकारले छानबिन गर्नुपर्ने देख्यो‘., त्यही भएर अनुसन्धानमा तानेको हुनुपर्छ ।’

उनले फौजदारी अभियोगमा एकजना व्यक्ति समात्दैमा प्रजातन्त्र तलमाथि नहुने पनि बताए ।
‘नेता, मन्त्री र प्रधानमन्त्री समात्दादा, अनेक हुँदा कराउन, दुनियाँ गर्नु नपर्ने ! डेमोक्रेसी कसरी खतरामा प¥यो त ? मिडिया हाउसका एकजना मान्छे पक्राउ परे । सही या गलत के भयो भयो, म त्यता जान्न । समय ठिक भयो, भएन ? त्यो अर्कै कुरा भयो । सरकारले छानबिन गर्दा हल्ला गरिरहनुपर्ने जरुरी छैन ।’