एमाले झापाको अध्यक्षमा अब को ?

दमक/नेकपा एमाले झापाको आगामी वैशाख १४ र १५ गते ११ औं जिल्ला अधिवेशनले नयाँ नेतृत्व चयन गर्दै छ । पार्टीको प्रदेश र जिल्ला हुँदै पालिका तहमा अधिवेशन गर्ने नीति अनुरुप जिल्लाको अधिवेशन मिति तोकिएको हो ।
जिल्ला कमिटीको आठौं पूर्ण बैठकले अधिवेशनको मिति तोकेको हो । अधिवेशनको मिति तय भएसँगै नेतृत्वको चर्चा समेत चुलिएको छ । अहिलेका कार्यवहाक अध्यक्ष प्रेमबहादुर गिरी र सचिव शिवकुमार ढुंगेल अध्यक्ष पदका आंकाक्षी छन् । जिल्ला अध्यक्ष दिपक कार्की पार्टीको केन्द्रीय सदस्य मनोनित भएसँगै अबको नेतृत्वको चर्चा चुलिएको हो ।
अनेरास्ववियुका जिल्ला हुदै केन्द्रीय नेतृत्व सम्म पुगेका ढुगेंल अध्यक्षको आंकाक्षी छन् । अहिले सम्म लाभको पदमा नपुगेका उनले पार्टीका बिभिँन्न जिम्मेवारी सम्हालिसकेका छन् । ७ वर्ष कार्यालय सचिव, १३ वर्ष जनसंगठनको प्रमुख, कमल गाउँपालिकाका ईञ्चार्ज, पार्टी स्कूल बिभागको उपप्रमुख रहेर उनले काम गरिसकेका छन् । खासगरि युवाहरुले ढुंगेललाई अध्यक्ष बनाउने भनेर तिब्र लबिङ थालेका छन् । उनी संसदीय मोर्चामा अहिले सम्म अवसर नपाएका नेताका रुपमा चिनिन्छन् । ढुंगेल जिल्लामा कुशल संगठकका रुपमा परिचित छन् । खुदुनाबारीको गाविस अध्यक्ष, संविधानसभाका सदस्य रहेका गिरीको दाबी समेत बलियो छ । आवश्यक परे दुबै जना चुनावी प्रतिष्पर्धामा उत्रिने बताउदै आएका छन् ।