काठमाडौं । प्रधानमन्त्री केपी शर्मा ओलीले अमेरिकाले प्रस्ताव गरेको स्टेट पार्टनरसिप प्रोग्राम एसपीपी सम्झौता नहुने बताउनुभएको छ ।
विराटनगर विमानस्थलमा आज पत्रकारले मुलुकको आर्थिक समृद्धि र अमेरिकाले प्रस्ताव गरेको स्टेट पार्टनरसिप प्रोग्राम एसपीपीका बारेमा सोधेको प्रश्नमा प्रधानमन्त्री ओलीले एसपीपी सम्झौता नहुने बताउनुभएको हो ।
पूर्वप्रधानमन्त्रीसमेत रहेका नेकपा माओवादी केन्द्रका अध्यक्ष पुष्पकमल दाहालले आइतबार मकवानपुरको हेटौंडामा वर्तमान सरकारले एमसीसीभन्दा अझ गम्भीर प्रकृतिको एसपीपी सम्झौता गर्नसक्ने आशंका व्यक्त गर्नुभएको थियो ।
बीपी कोइराला स्वास्थ्य विज्ञान प्रतिष्ठानको १३ औं दीक्षान्त समारोहमा सहभागी हुन प्रधानमन्त्री ओली विराटनगर पुग्नुभएको हो ।
