फाल्गुन ३, बिहिबार, अस्ट्रेलिया
ACT Government को आयोजनामा यही Feb 16 तरिक शुक्रवारदेखि Feb 17 तरिक शनिबारसम्म नेशनल मल्टीकल्चरल फेस्टिभल आयोजना गरिने भएको छ । अस्ट्रेलिया भरि रहेका विभिन्न संस्कृति, कला र सम्प्रदायको प्रोत्साहन गर्ने उद्देश्यले हरेक वर्ष नेशनल मल्टीकल्चरल फेस्टिभल क्यानबेरा आयोजना गरिने गरिन्छ ।
क्यानबेरामा हुन गैरहेको नेशनल मल्टीकल्चरल फेस्टिभलमा नेपालको प्रतिनिधित्व गर्दै ANFS (Australia Nepal Friendship Society) र Hamro Pathsala Canberra ले विभिन्न कार्यक्रमहरु पनि आयोजना गर्ने भएको छ । जसमामा स्ट्रीट फुड अफ नेपाल अन्तर्गत City Walk, Akuna Street, Canberra मा नेपालीहरूको खाना म:म, सेल रोटी, पानीपुरी लगायत विभिन्न परिकारहरूको स्वाद पाउने गरी फुड स्टल संचालन गरिने छ ।
विशुद्ध नेपाली कला, संस्कृति, भेषभूषा र नेपाली पनलाई विश्वभरी चिनाउन सकिने उद्देश्यले यस्तो खालको कार्यक्रम आयोजना गरिएको ANFS का प्रेसिडेन्ट आशिष देवकोटा बताउनु हुन्छ । स्ट्रीट फुड अफ नेपाल नाम दिएर संचालन गर्न लागिएको फुड स्टलबाट उठेको रकम भने क्यानबेरामा संचालन भएको Nepali Language School Hamro Pathsala को इस्तर उन्नतिका लागी प्रयोग गरिने भएको छ ।
त्यसैगरी Feb 17 तारिक शनिबार मिनी नेपाल इन क्यानबेरा अन्तर्गत बेलुका ३ः३० बजे देखि ५ः३० बजेसम्म परेड आयोजना गरिने छ, भने बेलुकी ६ बजे देखि १० बजेसम्म Glebe Stage मा नेपाली कला संस्कृतिलाई झल्काउने गरी विभिन्न कार्यक्रम आयोजना गरिने भएको छ । मिनी नेपाल इन क्यानबेराको मुख्य आकर्षणको रूपमा भने नेपालमा चर्चित गायक प्रकाश सपुत रहनेछन् । प्रकाशको विशेष प्रस्तुती र उनका चर्चित गीतहरू गलबन्दी, सकम्बरी, दोहोरी बैटलले Glebe Stage तत्ने छ ।
प्रकाश सपुतको उपस्थितिले अन्तर्राष्ट्रिय स्तरमा नेपाली कला संस्कृति, गीत संगीतको प्रबर्दन हुने आकंलन पनि गरिएको छ । अस्ट्रेलिया भरि छरिएर बस्नुभएका सबैलाई उक्त कार्यक्रममा उपस्थित भई नेशनल मल्टीकल्चरल फेस्टिभललाई सफल पार्न अनुरोध पनि गरिएको छ । मिनी नेपाल इन क्यानबेराको सपोटिङमा सस्थाँको रुपमा Sanatan Samaj Australia, Hamro Pathsala, NRNA Australia,Tamu Samaj Canberra, FENCAA, Tamang Ghedung Canberra, Madeshi Society Canberra, CMC FM 91.9 र Guthi Canberra रहेको छ ।
