भाइ मसलाको मूल्य ३० प्रतिशतले बढ्यो

झापा ।यस वर्ष तिहारमा भाइ मसलाको मूल्य करिब ३० प्रतिशतले वृद्धि भएको छ । काठमाडौंको असनमा वर्षौँदेखि भाइ मसलाको व्यापार गर्दै आएका व्यापारी र खरिदका लागि पुगेका ग्राहकहरूले गत वर्ष भन्दा यस वर्ष भाइ मसलाको मूल्य बढेको बताएका हुन् ।
गत असोज ११, १२ र १३ गते आएको बाढी र पहिरोले पनि यस वर्ष भाईमसलाको मूल्य करिब ३० प्रतिशतले बढ्न गएको बताईएको छ ।मूल्य बढेकाले यस पटक भाईमसला किन्नेहरूले पनि थोरै सामानहरू खरिद गर्ने गरेको पाइएको छ ।
उनीहरूले भाईमसलाको मूल्य अलि कम गरिदिन पनि व्यापारीहरूलाई आग्रह गरेका छन् ।