झापा-धरानबाट भोजपुरतर्फ जाँदै गरेको बोलेरो दुर्घटना हुँदा ७ जनाको मृत्यु भएको छ भने ८ जना घाइते भएका छन् ।
धरानबाट भोजपुरको जाँदै गरेको को १ ज २५९३ नम्बरको बोलेरो गाडी उदयपुरको मैनामैनी भन्ने ठाउँमा दुर्घटना भएको हो । जिल्ला प्रहरी कार्यालय भोजपुरका अनुसार बोलेरो भिरबाट करिब २०० मिटर तल खसेको छ ।
प्रहरीका अनुसार दुर्घटनामा परी चालकसहित ७ जनाको मृत्यु भएको छ । मृत्यु हुनेमा १ बालक, ३ महिला र २ पुरुष रहेका छन् । मृतकको सनाखत हुन बाँकी रहेको प्रहरी जनाएको छ ।
त्यस्तै घाइतेहरुको उद्धार गरी उपचारका लागि घोपा क्याम्प लगिएको प्रहरीले जनाएको छ ।
